Iżrael iwessa’ l-attakki tiegħu f’Gaża… aktar ċivili qegħdin jinqatlu

• Lul 18, 2014 16:47
• Miktub minn

Iżrael żied l-offensiva tiegħu f’Gaża permezz ta’ iżjed artillerija, tankijiet tal-gwerra u anke bastimenti tal-gwerra. Barra minn hekk, ħabbar li jista’ jkun qed iwessa’ din l-operazzjoni li skont il-Palestinjani qiegħda toqtol dejjem aktar nies ċivili.

Qabel biss kien sebaħ, il-bastimenti tal-gwerra kienu diġà bdew jisparaw fl-ajru, filwaqt li l-ħelikopters sparaw fl-istrixxa twila madwar 25 mil matul il-kosta tal-Mediterran. Il-Ħamas komplew jisparaw lejn it-truppi matul il-fruntiera fil-villaġġi ta’ Ashdod u Ashkelon.

Sadanittant, skont uffiċjali tas-saħħa Palestinjani kien hemm 27 Palestinjan, fosthom tarbija, żewġt itfal u mara ta’ 70 sena li nqatlu sa minn meta Iżrael beda jxerred l-attakki fuq l-art.

Matul il-lejl jidher li nqatel suldat Iżraelit u fil-fatt dan kien it-tieni persuna li miet għal Iżrael fi 11-il ġurnata ta’ ġlied.

Il-Prim Ministru Iżraelit, Benjamin Netanyahu spjega kif din l-għażla ttieħdet wara li ttieħdu l-għażliet kollha oħrajn li kien hemm u waslu għall-konklużjoni li mingħajr din l-operazzjoni kien se jkollhom iħallsu prezz ferm ogħla. Semma wkoll kif l-għan prinċipali hu li jiġi stabbilit mill-ġdid il-kwiet.

Simili

• 

  Investituri joħorġu l-assi mir-Renju Unit hekk kif l-ekonomija tkompli tikkrolla

• 

  Sao Paulo fi ċlampu totali hekk kif id-daħna kawża tan-nirien li ħakmu l-Amażonja timxi 3,000 km

• 

  Id-Dukessa Meghan Markle u ċ-ċkejken Archie se jkunu qed iżuru l-qabar ta' Lady Diana għal-ewwel darba