Blueberry muffins mhux tas-soltu

• Mar 25, 2016 00:38
• Miktub minn iNews

Ingredjenti:

200g dqiq tal-qara' ħamra

200g dqiq tal-coconut

kuċċarina u nofs baking powder

kuċċarina u nofs bikarbonat

kuċċarina dqiq tal-qamħ

niskata kannella

miżwed tal-vanilla

niskata noċemuskata maħkuk frisk

niskata melħ

100g stevia

4 bajdiet

2 imgħaref żejt taż-żebbuġa

50ml ħalib tal-coconut

tuffieħa

mgħarfa ħall tat-tuffieħ

300g blueberries

Metodu:

Saħħan il-forn għal 160 grad Celcius.

Għarbel id-dqiq tal-qara' ħamra, il-cornflour, il-bikarbonat u l-baking powder fi skutella kbira. Żid il-melħ, il-vanilla, il-kannella, in-noċemuskata u l-istevia. Ħawwad sew.

Fi skutella separata, uża hand blender biex tħabbat il-bajd, iż-żejt taż-żebbuġa, il-ħalib tal-oconut, it-tuffieħ u l-ħall tat-tuffieħ, sakemm it-taħlita tkun lixxa.

Ipprepara landa tal-muffins bil-muffin cases. Uża mgħarfa kbira tal-metall biex tħallat l-ingredjenti likwidi max-xotti. Tħallatx iżżejjed. Imbagħad żid nofs il-blueberries.

Ferra t-taħlita ġol-muffin cases. Ħalli ftit spazju biex it-taħlita togħla u ma tfurx. Ferrex il-bqija tal-blueberries fil-wiċċ. Aħmi fil-forn imsaħħan għal 25 minuta. Neħħi mill-forn u qabel jiksħu uża pinzell biex tidlek il-muffins ħafif bi ftit maple syrup.

Din ir-riċetta ta' Lea Hogg ixxandret fil-programm Lifestyle & Co fuq TVM2. Ara wkoll www.goodfoodeveryday.wordpress.com

Ritratt: Felix Cesare

Simili