Etjopjan jirrakkonta kif qattgħu lejl fuq il-baħar wara li waqfitilhom id-dgħajsa

  • Jan 11, 2017 16:29
  • Miktub minn iNews

    Etjopjan irrakkonta kif waqt li hu flimkien mal-immigranti l-oħra kienu qed jaqsmu mil-Libja lejn l-Italja, ħin bla waqt, id-dgħajsa li kienu fuqha waqfet bir-riżultat li kellhom jagħmlu lejl sħiħ jitbandlu mal-mewġ tal-baħar sakemm ġew salvati. 

    Dan ħareġ mix-xhieda li ta Tahir Nurhusein, hekk kif illum quddiem l-Imħallef Edwina Grima kompla jinstema’ l-ġuri ta’ Hadish Abayu, Etjopjan ta’ 58 sena, li jinsab affaċċjat b’żewġ kapi ta’ akkuża, waħda tkun ta’ traffikar u t-tieni assoċjazzjoni għall-istess skop. L-immigranti daħlu Malta abbord dgħajsa fil-25 ta’ Settembru 2005. 

    Tahir irrakkonta li waqt il-vjaġġ, id-dgħajsa li kienu fuqha waqfet u qagħdet fl-istess post. Wara li qattgħu lejl sħiħ bejn sema u ilma, l-immigranti lemħu dgħajsa oħra li kienet fil-qrib u bdew jagħmlu sinjal biex jgħinuhom. 

    Qal li ftit sigħat wara ġie helikopter għalihom, u aktar tard filgħaxija hu flimkien mal-immigranti l-oħra niżlu Malta. Qal ukoll li qabel il-vjaġġ huwa kien ħallas lil Hadish $2,400, għalih u għal martu. 

    Wara li ntemmu x-xhieda min-naħa tad-Difiża, il-Prosekuzzjoni mmexxija mill-Avukat Vincienne Vella mill-Uffiċċju tal-Avukat Ġenerali bdiet it-trattazzjoni tagħha.

    Il-ġuri mistenni jkompli llum. L-Avukat Simon Micallef Stafrace qed jiddefendi lil Abayu. 

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook