"Se nibdew proċeduri legali... Gidba faħxija"

  • Apr 20, 2017 20:12
  • Miktub minn iNews

    Il-Prim Ministru, Joseph Muscat f’konferenza stampa li għadu kif għamel iddikjara li "Illum smajna l-akbar gidba politika fl-istorja ta’ dan il-pajjiż. Niċħad kategorikament, naħlef f'isem marti u l-familja li kelli, qatt kelli, għandi xi tip ta’ kont jew kumpanija mhux dikjarati f’Malta jew barra. Inżid li la qatt iffirmajt la jien la marti xi tip ta’ dokument li jittrasferixxi xi ishma ta’ xi kumpanija fuqi fil-futur. La qatt iffirmajt u lanqas qatt ġejt offrut. Jien u marti meta dħalna għal din il-ħajja iddeċidejna li nagħmlu l-inqas ammont possibbli ta’ libelli. Filfatt kemm ilni fil-ħajja pubblika fl-aħħar disa’ snin għamilt libell wieħed. Iddeċidejna li ma nagħtux kas lil Daphne Caruana Galizia minkejja li ppruvat tavvelixxi lilna u l-ġenituri tagħna u uliedna. Dejjem konna reżoluti li ma nagħtux kasha. Gidba għal din ma nistax inħalliha għaddejja meta hi sostnuta b’mod irresponsabbli b’mod inetiku mill-Kap tal-Oppożizzjoni u l-medja tiegħu."

    Hu ddeskriva dak li ntqal bħala gidba faħxija u ddikjara li kemm hu u kemm martu se jiftħu proċeduri legali kontra dan il-gideb. Hu ddikjara li se jżomm lill-Kap tal-Oppożizzjoni responsabbli għal dan kollu. 

    Hu qal dan meta kien qed iwieġeb għal dak li ġie allegat fl-aħħar sigħat minn Daphne Caruana Galizia u l-mezzi tax-xandir tal-Partit Nazzjonalista, jiġifieri li l-kumpanija Egrant hi ta’ mart il-Prim Ministru Joseph Muscat.

     

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook