“Bil-passat tagħna nimxu għall-ġejjieni tagħna” … Il-Fondazzjoni Wirt Artna u l-Bank of Valletta jestendu l-kollaborazzjoni ta’ bejniethom

  • Lul 10, 2017 08:46
  • Miktub minn iNews

    Il-Bank of Valletta estenda l-ftehim ta’ kollaborazzjoni tiegħu mal-Fondazzjoni Wirt Artna (FWA), il-fondazzjoni tal-patrimonju kulturali li l-għan prinċipali tagħha huwa li toħloq sensibilizzazzjoni u tinkoraġġixxi fehim aħjar tal-wirt kulturali ta’ Malta.

    Charles Azzopardi, Kap tal-PR u l-Marketing fil-Bank of Valletta ltaqa’ ma’ Mario Farrugia, il-President tal-Fondazzjoni Wirt Artna, f’Notre Dame Gate (magħruf bħala Bieb is-Sultan) f’Ħaż-Żabbar, l-Uffiċċju Prinċipali tal-Fondazzjoni u wieħed mis-siti tal-Fondazzjoni.

    “Din is-sena qed jitfakkar l-10 anniversarju minn meta l-BOV u l-FWA għall-ewwel darba daħlu f’din is-sħubija korporattiva. Matul dan id-deċennju, diversi siti ewlenin, bħal Forti Rinella u l-Malta at War Museum ġew trasformati minn stat ta’ negliġenza għal attrazzjonijiet turistiċi u storiċi ewlenin fil-gżejjer Maltin,” spjega Charles Azzopardi. “Il-Bank jikkondividi l-filosofija tal-Fondazzjoni li l-ħolqien ta’ sensibilizzazzjoni huwa tal-inqas importanti daqs il-passi li jittieħdu biex jiġi kkonservat il-passat, bħalma jidher evidenti permezz tal-programm Hands-on-Heritage u l-isforz tal-Fondazzjoni biex tilħaq aktar nies permezz tas-siti tagħha kif ukoll permezz tal-mezzi tal-midja soċjali tagħha.”

    “Il-Fondazzjoni Wirt Artna tiddependi fuq il-ġenerożità tal-benefatturi biex twettaq il-missjoni tagħha u tkompli taħdem għall-preservazzjoni ta’ siti u artefatti storiċi,” qal is-Sur Farrugia. “L-appoġġ tal-Bank of Valletta matul is-snin ippermettilna nlestu numru ta’ proġetti kif ukoll nippjanaw għall-proġetti li jmiss bħat-tlestija tar-restawr tal-Batterija tal-Mistra fil-Mellieħa, il-ftuħ tal-kumpless tal-mini ta’ taħt l-art mhux komplut ta’ żmien il-gwerra taħt il-Belt Valletta, it-tlestija tal-Proġett War H.Q. fil-Belt Valletta, il-ftuħ tal-Mużew il-ġdid tal-Batterija tas-Salut f’Pjazza Kastilja fil-Belt Valletta u r-rikostruzzjoni tal-parti mekkanika tal-Forti Rinella fil-Kalkara.”

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook