L-Italja toffri lezzjonijiet tal-għawm lill-immigranti trawmatizzati mill-qsim tal-Mediterran

  • Lul 16, 2017 08:51
  • Miktub minn iNews

    Hekk kif l-Italja qed tiffaċċja dejjem aktar diffikultajiet biex tlaħħaq mal-kriżi tal-immigranti, fejn saħasitra fl-aħħar ftit jiem daħlu mas-7,000 immigrant u refuġjat, numru dejjem jikber ta’ Taljani qed jieħdu s-sitwazzjoni f’idejhom. Għax minkejja li għad hemm reżistenza u kritika qawwija fil-konfront tal-Gvern li mhux qed jagħmel biżżejjed biex isolvi din il-kriżi umanitarja, hemm min iddeċieda li jipprova jagħmel l-almu tiegħu biex għall-inqas itaffi ftit mit-tbtijiet għal dawk li jittantaw xortihom u jaqsmu bejn sema u ilma bit-tama li jsibu ħajja aħjar fl-Ewropa.

    Hemm istanzi fejn nies anzjani qed jiftħu l-bibien ta’ djarhom u jilqgħu lill-immigranti. Hemm knejjes li qed jieħdu ħsieb lit-tfal u minorenni. U hemm ukoll in-Nautical Technical Institute li qed jaħdem mil-lat emozzjonali fuq l-immigranti li baqgħu trawmatizzati mill-vjaġġ tagħhom bejn sema u ilma, u minkejja li issa ħarbu mill-periklu baqgħu mbeżżgħin mill-baħar.

    Dawn l-inizjattivi qed jiġu f’mument meta s-soċjetà Taljana qed issir dejjem aktar xettika dwar li tkompli tilqa’ fi ħdanha lil numru ta’ immigranti li minn sena għal oħra qed ikomplu jżidu fin-numru tagħhom.

    Il-programm imniedi min-Nautical Technical Institute kien imniedi f’Mejju li għadda, u għandu l-għan li jgħallem l-elementi bażiċi tal-first aid, u kif ukoll aspetti aktar tekniċi bħall-għadds u salvataġġi. L-ewwel grupp li qed jibbenefika minn dan il-programm huma grupp żgħir ta’ żgħażagħ li sabu kenn fil-Bażilika ta’ Sant’Antonio f’Messina. Uħud minnhom kienu sfurzati jaħarbu minn pajjiżhom kaġun tal-gwerra. Uħud minħabba l-faqar li kien qed jikkaratterizzalhom ħajjithom.

    Fl-ewwel nof ta’ din is-sena aktar minn 83,000 persuna qasmu lejn l-Italja, żieda ta’ 19% fuq l-istess perjodu tas-sena li għaddiet. Aktar minn 600,000 immigrant qasmu mit-Tramuntana tal-kontinent Afrikana lejn l-Italja f’dawn l-aħħar erba’ snin biss.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 1

  •  
    ilbomblu
    Lul 16, 2017

    nahseb qeghdin jghalmuhom joghmu ghax daqt ikeccuhom kollha il barra u ma jkollhomx dghajjes bizzejjed. Ghadni gej minn hemm u in nies imdejqin ghal mewt bihom.

    Irrispondi
  •  

Facebook