Libjan mixli bi qtil issa mixli b'serqa

  • Set 12, 2017 15:41
  • Miktub minn iNews

    Libjan li flimkien ma' Tuneżin qed jistenna li jgħaddi ġuri dwar qtil f'Malta issa kien mixli li wettaq serqa.

    Ismael Habesh ta' 45 sena ġie mixli bl-attentat li sar nhar il-Ħadd f'Ħal Qormi fuq xufier ta' Mercedes li fiha dan intalab jagħti €20,000 minn persuni li nstemgħu barranin.

    L-ewwel informazzjoni li waslet għand il-Pulizija kienet dwar sparatura f'Ħal Qormi imma mill-istħarriġ ma rriżultalix li kien hemm ebda tiri sparati.

    Habesh kien arrestat f'residenza fil-Mosta.

    Il-Libjan wieġeb li mhux ħati u l-Maġistrat Claire Stafrace Zammit tatu l-ħelsien mill-arrest taħt diversi kundizzjonijiet fosthom depożitu ta' €1,000, garanzija personali ta' €9,000, li jrid jiffirma l-għassa kuljum, li ma jersaqx lejn Ħal Qormi, li ma jkellimx lill-allegat vittma jew lil dawk li kellu miegħu fil-Mercedes u li ma jaħrabx minn Malta.

    Flimkien ma' Faical Mohouachi, Tuneżin ta' 49 sena, Habesh jinsab mixli bil-qtil ta' Simon Grech.

    Il-vittma, ta' 20 sena mis-Siġġiewi, kien instab mejjet f'għalqa fil-Marsa nhar it-13 ta' April 2005 u mill-awtopsja rriżulta li kien ingħata diversi daqqiet ta' sikkina.

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0