Ġenna ta’ Ġonna fil-Furjana... Il-knisja arċipretali ta’ San Publju attrazzjoni speċjali flimkien ma’ nħawi oħra storiċi

  • Ott 12, 2017 14:30
  • Miktub minn George Maggi

    Nhar il-Ħadd, 15 ta’ Ottubru 2017, fl-okkażjoni tal-attività annwali organizzata mill-Kunsill Lokali Floriana bl-isem ta’ IL-FURJANA ĠENNA TA’ ĠONNA, il-knisja arċipretali ta’ San Publju se torganizza open day għall-pubbliku inġenerali. 

    Waħda mill-attrazzjonijiet prinċipali, apparti ż-żjara minnha nnifisha f’dan it-tempju meraviljuż, hi li l-viżitaturi jkunu jistgħu jitilgħu fuq il-kampnar tan-naħa tat-tramuntana fejn, minn taħt l-akbar qanpiena tas-sett li jżejjen dawn iż-żewġ kampnari, tista’ tammira l-arkitettura tal-knisja minn fuq u tgawdi veduti panoramiċi mill-isbaħ. 

    Int u tiela’, eżatt qabel tixref għal fuq il-bejt, tidħol fil-kamra tal-arloġġ fejn tista’ tara l-mekkaniżmu jaħdem. 

    Se jkun hemm ukoll aċċess għal fuq il-pjattaforma, armata fil-kappellun dedikat lil Madonna tar-Rużarju fejn diġà sar xogħol dekorattiv fis-saqaf, inkluż l-induratura u bħalissa qegħdin  nistennew li titwaħħal il-pittura. 

    Biex tinzamm it-tema ta’, ’Ġenna ta’ Ġonna’, il-knisja se tiżżejen bi kwantità ta’ pjanti. 

    Fis-1.00p.m. se jsir Pranzu fuq iz-zuntier tan-naħa ta’ Balzunetta. Għal dan il-pranzu d-dħul hu strettament bil-booking minn qabel. Min jixtieq jattendi hu mitlub li jikkuntattja lir-Rev. Arċipriet Fr. Richard Borg fuq  2124 7106 jew lil Stephen Tonna fuq 7933 9649. 

    Il-pubbliku ġenerali hu mistieden jattendi u jgawdi minn dak li għandha x’toffri din il-knisja, waħda mill-binjiet kbar, imponenti, sbieħ u mżejna b’arkitettura mill-isbaħ f’pajjizna.

    Barra minn hekk, fil-Mużew ġdid tal-knisja mal-ġenb tal-knisja ta’ San Publju għadha kif kienet inawgurata kollezzjoni kbira ta’ kotba, tradotti f’diversi lingwi u letteratura oħra, kollha xogħol il-Professur Dr Oliver Friggieri. 

    Għaldaqstant minbarra li dak li jkun jara l-esebiti fil-Mużew jara wkoll din il-kollezzjoni prezzjuza ta’ kotba li d-dħul għal dan il-Mużew u għall-knisja  huma b’xejn.

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0