“Malta se tkompli tirreżisti miżuri protezzjonisti li jistgħu jikkawżaw spejjeż akbar għall-operaturi fis-settur tat-trasport”

  • Diċ 06, 2017 10:51
  • Miktub minn iNews

    Waqt li kien qiegħed jattendi laqgħa tal-Kunsill Trasport, Telekomunikazzjoni u Enerġija fi Brussell, il-Ministru Ian Borg qal li Malta se tkompli tirreżisti miżuri protezzjonisti li jistgħu jwasslu għal aktar infiq fis-settur tat-trasport li  jista’ jikkawża spejjeż akbar għall-operaturi. Il-Ministru Borg qal li hu jilqa’ l-objettivi li huma mistennija jtejbu l-operat tas-suq tat-trasport filwaqt li jissimplifikaw proċeduri assoċjati. Huwa għaraf ukoll l-importanza tas-settur tat-trasport għall-ekonomija Maltija, u qiegħed jeżamina dan il-pakkett b’mod ħolistiku filwaqt li jikkonsidra t-tibdiliet f’dan is-settur, hekk kif dawn jistgħu jħallu impatt fuq l-ambjent ekonomiku Ewropew kollu u mhux biss is-settur tat-trasport. Huwa rrefera wkoll għall-progress li sar fuq dawn il-files waqt il-Presidenza tal-Estonja.

    Il-punti ewlenin tad-diskussjonijiet li saru waqt din il-laqgħa kienu jkopru l-Pakkett tal-Mobbiltà—sett komprensiv ta’ regoli u wieħed mill-akbar pakketti li qatt kellu x’jaqsam miegħu l-Kunsill. Il-pakkett ikopri regoli relatati mas-suq, mal-aspett soċjali u tariffi stradali li mistennija jimmodernizzaw il-mobbiltà u t-trasport Ewropej. L-għan ta’ dan il-pakkett tal-mobbiltà huwa li jgħin lis-settur sabiex jibqa’ kompetittiv filwaqt li jissalvagwardja d-drittijiet soċjali tas-sewwieqa.

    Il-Kunsill TTE ddiskuta wkoll il-proposta għal Regolazzjoni dwar is-Salvagwardja tal-Kompetizzjoni fit-Trasport fl-Ajru u l-futur tal-Istrateġija tal-Avjazzjoni. Id-diskussjoni kienet tkopri wkoll il-kompetittività u l-konnettività fl-UE.

    Ian Borg laqa’ l-progress li sar fuq il-file u esprima l-ottimiżmu tiegħu għal settur tal-avjazzjoni b’saħħtu u kompetittiv fl-UE.

    Fejn jidħol il-qasam marittimu, il-Ministru Ian Borg qal li l-Organizzazzjoni Marittima Internazzjonali hija kommessa għall-kisba ta’ kontribut xieraq mit-tbaħħir favur ir-realizzazzjoni tal-Ftehim ta’ Pariġi. Malta, qal il-Ministru, tistenna bil-ħerqa l-adozzjoni tal-Istrateġija biex jitnaqqsu l-emissjonijiet tal-gassijiet b’effett ta’ serra mill-bastimenti fl-IMO f’April 2018.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0