Kawża b'rabta ma' Daphne posposta għax xhud marid

  • Jan 11, 2018 12:44
  • Miktub minn iNews

    Il-kawża li l-familja ta' Daphne Caruana Galizia fetħet fil-Qorti biex wieħed mill-pulizija li qed jinvestiga l-qtil tagħha ma jibqax fit-tim investigattiv ġiet posposta għal data oħra wara li l-istess pulizija ma setax jitla' jixhed peress li ma jiflaħx.

    Peter Caruana Galizia u wliedu Matthew, Andrew u Paul fetħu l-kawża fil-Prim'Awla tal-Qorti Ċivili kontra l-Kummissarju tal-Pulizija, l-Avukat Ġenerali u l-Assistent Kummissarju Silvio Valletta.

    Fiha qed jitolbu li Valleta ma jibqax jinvestiga l-każ peress li huwa miżżewweġ lill-Ministru għal Għawdex Justyne Caruana u Caruana Galizia kienet semmithom fil-kitbiet tagħha.

    L-Imħallef Silvio Meli, li qed jisma' il-kawża, xejn ma kien kuntent meta daħal fl-awla u ġie nfurmat li Valletta - ix-xhud uniku f'din il-kawża – kien ma jiflaħx.

    Huwa sostna li dan il-fatt, jiġifieri li ma kienx infurmat qabel, kien nuqqas ta' rispett lejn il-Qorti waqt li talab biex fis-seduta li jmiss l-imsemmi uffiċjali tal-Pulizija jġib ċertifikat mediku.

    Minbarra r-raġel ta' Caruana Galizia fl-awla kien hemm ukoll l-avukati tal-familja Jason Azzopardi, Therese Comodini Cachia u Eve Borg Costanzi kif ukoll l-Avukat Victoria Buttigieg mill-Uffiċċju tal-Avukat Ġenerali u l-Kummissarju tal-Pulizija Lawrence Cutajar.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0