Ried jaċċettah b'ibnu sakemm skopra li ta' karnaġġjon skur

  • Fra 12, 2018 17:49
  • Miktub minn iNews
"

    Raġel li skopra li martu ħarġet tqila wara li wettqet adulterju kien lest jikkunsidra t-tarbija bħala t-tifel tiegħu, sakemm sar jaf li dan kien se jkollu karnoġġjon skur. Din is-sitwazzjoni nisslet kriżi fiż-żwieġ tagħhom tant li wasslithom għas-separazzjoni bil-konsegwenza li kellu jirrikorri għal proċeduri legali biex ma jibqax jidher bħala missier it-tifel. 

    Il-koppja kien ilhom miżżewġin madwar 20 sena u minkejja kull tentattiv, anke bl-għajnuna ta' trattamenti mediċi, ma setax ikollhom tfal. Ġe żmien fejn il-mara bdiet tħossha mhux f'sikkitha u bdiet iġġib ruħha b'mod stramb fil-konfront ta' żewġha u tħassar l-appuntamenti li kien ikollhom flimkien anke biex isiefru. 

    X'ħin ra din il-bidla fl-atteġġjament tagħha lejh, ir-raġel talabha biex jitkellmu u kien hawn fejn ammettiet miegħu li kellha relazzjoni ma' raġel ieħor barrani u li kellha x'taqsam miegħu b'mod intimu. Qaltlu wkoll li kienet tqila u li t-tarbija ma setgħetx kienet tiegħu għaliex ġiet ikkonċepita fi żmien meta huwa kien imsiefer.  

    Żewġha fil-bidu kien qalilha biex ma jgħidu lil ħadd b'dak li ġara u li kien lest li jikkunsidra t-tarbija bħala t-tifel tiegħu. Iżda hija weġbitu li dan ma kienx possibbli minħabba li r-raġel li kellha x'taqsam miegħu huwa ta' karnoġġjon skur. Għalhekk it-tarbija x'aktarx li kien se jkollha karnoġġjon skur ukoll. 

    Eventwalment dan wassal għal kriżi fiż-żwieġ tagħhom, tant li sseparaw fi ftit xhur u qabel ma welldet. Minkejja dan, meta twieldet it-tarbija xorta ġiet irreġistrata bħala iben żewġ ommha minħabba li meta ġiet imnissla, il-koppja kien għadhom legalment miżżewġin. 

    Il-mara qatt ma talbet lir-raġel biex jgħinha fit-tħejjijiet li kienet qed tagħmel għat-twelid tat-tarbija jew xi tip ta' manteniment għall-futur tat-tifel. L-isem tiegħu għażlitu waħidha u ma nvolvietu f'xejn f'dak li jikkonċerna t-tarbija. B'hekk ir-raġel ħass li kienet ċerta mill-ewwel li t-tarbija ma kenitx tiegħu u sussegwentement dan kien ikkonfermat mit-testijiet tad-DNA. 

    Fid-dawl ta' dan, ir-raġel kellu jirrikorri għal proċeduri quddiem il-Qorti tal-Familja biex jiċħad il-paternità tat-tifel u biex dan ma jibqax irreġistrat bħala ibnu għax mhuwiex il-wild naturali u bijoloġiku tiegħu. Din t-talba ntlaqgħet u għalhekk il-Qorti ordnat lid-Direttur tar-Reġistru Pubbliku biex isem ir-raġel jitneħħa miċ-ċertifikat tat-twelid, u minflok it-tifel jiġi indikat bħala iben missier mhux magħruf. Dan sar minħabba li l-omm ma urietx interess li tiżvela l-isem tal-missier naturali f'dan l-istadju u għaldaqstant lanqas ma talbet biex il-partikolaritajiet tiegħu jitniżżlu fiċ-ċertifikat tat-twelid ta' binha biex ikun juri min hu missieru. 

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0