Tidħol fis-seħħ il-liġi l-ġdida dwar il-midja - libertajiet bla preċedent lill-espressjoni ġurnalistika

  • Mej 15, 2018 17:35
  • Miktub minn iNews
"

    B’effett mill-14 ta’ Mejju, 2018 daħal fis-seħħ b’effett immedjat l-Att dwar il-Media u l-Malafama.

    Il-libelli kriminali li kienu nbdew taħt il-liġi l-antika tal-istampa spiċċaw u saru xi ħaġa tal-passat waqt li ddaħħlu difiżi ġodda għall-ġurnalist u għas-citizen-journalist

    B’hekk pajjiżna - wara madwar erba’ snin ta’ proċess ta’ preparazzjoni, diskussjoni u konsultazzjoni fuq livelli nazzjonali u internazzjonali - kif inhu xieraq li jsir f’kull demokrazija miftuħa, moderna u parteċipattiva, għalaq il-kapitlu dwar il-libell kriminali u dwar diversi reati kriminali oħrajn li kienu jxekklu l-libertà tal-espressjoni u l-parteċipazzjoni sħiħa tal-poplu fil-ħajja demokratika.

    Il-liġi l-ġdida tagħmel ġieħ lill-pajjiż u tqiegħed lil Malta fuq l-ogħla livelli ta’ rispett għad-dritt tal-libertà tal-espressjoni billi ssaħħaħ il-libertà tal-espressjoni f’livelli bla preċedent.

    Il-liġi hi wkoll xhieda tal-maturità politika tal-Gvern Malti li adotta t-tisħiħ tal-libertà tal-espressjoni u tal-istampa bħala wieħed mill-għanijiet ewlenin tiegħu. Dan segwa r-riformi kbar li saru fl-aħħar leġiżlatura għat-twessigħ tal-libertajiet ta’ espressjoni artistika.

    Din il-liġi tolqot direttament u mill-qrib kemm il-qasam tal-ġustizzja kif ukoll l-oqsma tal-kultura u tax-xandir. Il-Ministeru jirringrazzja lil kull min ta kontribut fil-proċess leġiżlattiv u fil-proċess ta’ diskussjoni pubblika li kkontribwixxa biex tissaħħaħ din il-liġi.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0