Il-Kaptan Clifford Chetcuti maħtur Kap Eżekuttiv tal-Air Malta

  • Lul 10, 2018 07:59
  • Miktub minn iNews

    Il-kumpanija Air Malta ħabbret li l-Bord tad-Diretturi ħatar lill-Kaptan Clifford Chetcuti bħala Kap Eżekuttiv b’effett mill-1 ta’ Settembru 2018. Il-Kaptan Chetcuti se jkun qed jirrapporta liċ-Ċermen u lill-Bord tad-Diretturi.

    Huwa se juża l-kompetenza tiegħu biex jiffoka fuq it-titjib tal-effiċjenzi fl-istruttura organizzattiva tal-kumpanija u fl-immaġni tal-marka (brand image) tagħha, waqt li jiżgura li din tkun ippreparata biex tkun il-linja tal-ajru tal-Mediterran.

    Clifford Chetcuti se jkun qed jieħu post is-Sur Joseph Galea li kien ilu jokkupa l-kariga ta’ Aġent Kap Eżekuttiv tal-linja nazzjonali tal-ajru sa mill-2016.

    Fi stqarrija l-Air Malta qalet li l-Kaptan Chetcuti għandu esperjenza vasta fl-industrija tal-avjazzjoni, partikolament fl-in-flight operations, taħriġ u prattiki tal-avjazzjoni. Matul l-esperjenza tiegħu barra l-pajjiż huwa kien strumentali biex jiżviluppa b’suċċess żoni operattivi ma’ Emirates u Qatar Airways. 

    Is-Sur Chetcuti beda l-karriera tiegħu fl-avjazzjoni bħala cadet pilot mal-Air Malta fl-1987. Huwa temm it-taħriġ tiegħu fis-Servizz tat-Taħriġ tal-Ajru ġewwa Perth Scotland fejn hemmhekk irċieva l-premju bħala l-Pilota tas-Sena fl-1988.

    Huwa ngħaqad ma’ Emirates fl-1994 u kien promoss għal Kaptan fl-1999 fejn il-karriera tiegħu rat progress permezz ta’ diversi rwoli maniġerjali fi ħdan il-kumpanija. Huwa kien Kaptan fuq it-tijira inawgurali A380 ta’ Emirates minn Dubai għal New York f’Awwissu 2008. Fis-sena 2016 il-Kaptan Chetcuti ngħaqad ma’ Qatar Airways.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook