Żewġ nisa Bulgari jeħlu ħames xhur ħabs fuq pick-pocketing

  • Lul 10, 2018 14:06
  • Miktub minn iNews

    Żewġ nisa Bulgari li qed jistennew tarbija kienu kkundannati ħames xhur priġunerija kull wieħed wara li ammettew li serqu minn żewġ stabbilimenti f’Tas-Sliema.

    Iliyana Ilieva ta’ 23 sena u Genoveva Stoilova ta’ 25 sena, kienu tressqu fil-Qorti tal-Maġistrati b’rabta ma’ żewġ serqiet li allegatament twettqu bejn l-20 u l-21 ta’ Ġunju. 

    L-Ispettur Mark Mercieca kien spjega kif wara rapport li daħal fl-għassa ta’ Ta’ Sliema li xi ħadd kien seraq ‘hand bag’ ta’ mara minn ħanut, il-Pulizija kienet elevat numru ta’ CCTV cameras fejn imbagħad inċerttaw liż-żewġ persuni u arrestawhom. 

    Iż-żewġ akkużati, li għandhom tqala ta’ sitt xhur u tliet xhur rispettivament, wieġbu ħatja tal-akkużi miġjuba kontrihom.

    Fid-deċiżjoni tagħha dwar il-piena, l-Qorti preseduta mill-Maġistrat Doreen Clarke, kkunsidrat in-natura tar-reati li tagħhom qed jinsabu ħatja n-nisa Bulgari kif ukoll ir-reat ta’ serq minn fejn irriżulta li l-akkużati ġew Malta speċifikament biex jisirqu. 

    Dan hekk kif huma kienu ġew għal ftit ġranet bi ftit flus kontanti fuqhom u mingħajr ma rriservaw kamra f’lukanda tant li kienu jorqdu fuq il-bajjiet, tipi ta’ reati li fi kliem il-Qorti “qed isiru ferm aktar frekwenti f’pajjiżna”. 

    Min-naħa l-oħra kkunsidrat li n-nisa ammettew fi stadju bikri ta’ dawn il-proċeduri, f’Malta għandhom fedina penali netta u li fil-Qorti rristitwew l-ammont misruq. 

    Fid-dawl ta’ dan kollu, il-Qorti sabet lil Iliyana Ilieva u Genoveva Stoilova ħatja tal-akkużi miġjuba kontrihom u kkundannathom ħames xhur ħabs.

    Il-Prosekuzzjoni tmexxiet mill-Ispettur Mark Mercieca.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0