inewsmalta.com



Inizjattiva favur l-annimali domestiċi - Pet Friendly Holiday

  • Aww 09, 2018 20:23
  • Miktub minn iNews

    Għat-tieni sena konsekuttiva, is-sezzjoni tal-Animal Welfare fi ħdan il-Ministeru għal Għawdex ser tniedi l-inizjattiva ta’ Pet Friendly Holiday, dan wara s-suċċess li nkiseb bl-istess inizjattiva s-sena l-oħra. 

    Għal dawk li se jaqsmu l-fliegu akkumpanjati mill-pets tagħhom bejn it-Tnejn 13 u l-Ħadd 19 t’Awwissu, għall-festa popolari ta’ Santa Marija, il-Ministeru ser jieħu ħsieb jipprovdi ilma adegwat għall-annimali domestiċi fit-terminals kemm taċ-Ċirkewwa kif ukoll dak tal-Imġarr. Dan qed isir biex dawn l-annimali, ikunu jistgħu jixorbu u jtaffu ftit mis-sħana qalila li taħkem matul is-sajf. 

    Kull persuna li se tkun qed taqsam minn Malta lejn Għawdex matul il-ġimgħa, ser jingħata pet ticket, liema biljett irid jiġi ppreżentat lill-uffiċjali tal-Gozo Channel. Apparti l-pet ticket, sidien t’annimali domestiċi ser jingħataw ukoll fuljett t’informazzjoni fuq dan is-suġġett.

    Waqt żjara li għamlet il-Ministru għal Għawdex fl-uffiċini li s-sezzjoni tal-Animal Welfare għandha f’Għawdex, hija qalet illi kif kien imwiegħed, din is-sezzjoni ġiet atrezzata kemm bir-riżorsi umani u bl-għodda neċessarja biex taqdi l-funzjonijiet tagħha bl-iktar mod effiċjenti. Il-Ministru Caruana rringrazzjat lill-ħaddiema kollha li huma assenjati f’din it-taqsima, għad-dedikazjoni u l-impenn tagħhom b’riżq l-annimali abbandunati.

    Heidi Grech mill-Animal Welfare f’Għawdex qalet li fis-sajf hemm tendenza li aktar annimali jiġu abbandunati u kien għalhekk li s-sezzjoni ħasbet biex torganizza kampanja ta’ għarfien u billi tipprovdi ilma b’xejn lil dawk l-annimali domestiċi li jkunu qed jakkumpanjaw lil sidhom għall-btala f’Għawdex.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook