Il-Prim Ministru jinawgura xogħljiet ta' tisbiħ li saru dan l-aħħar fil-bar taċ-Ċentru Laburista Paola

  • Fra 10, 2019 11:30
  • Miktub minn iNews
"

    Il-Prim Ministru u Mexxej Laburista Joseph Muscat il-Ġimgħa filgħaxija nawgura xogħljiet ta' tisbiħ li saru dan l-aħħar fil-bar taċ-Ċentru Laburista Paola fejn dan il-post ġie trasformat mill-ġdid bl-aqwa faċilitajiet u modernizzar kf jixraq bil-għan li dan iċ-Ċentru jkompli jaqdi l-ħtiġijiet tal-membri u l-familjari tagħhom.

    Ix-xogħol qawwi li sar biddel totalment il-ħsieb u tradizzjoni ta' kif sal-lum konna nsibu f'kull każin. Il-maġġoranza tax-xogħol li sar kien qed jiġi nvestit mill-kutrattur li jmexxi l-bar bis-sapport sħiħ tal-Kumitat Lokali PL Paola.

    Fid-diskors inawgurali tiegħu l-Prim Ministru radd ħajr għax-xogħol kbir li sar u qal li dan għandu jirrifletti l-ħidma u l-viżjoni anki fuq bażi ta' Partit għal Malta ta' għada. Il-Prim Ministru enfazziza l-bżonn li ċ-Ċentri tagħna għandhom jibqgħu jaqdu l-ħtiġijiet tal-membri fejn apparti li jsibu svog rikreattiv, iservi biex titwettaq il-ħidma li jkun hemm bzonn biex il-Partit jibqa' qrib u jwassal l-aspirazzjonijiet ta' kull komunita'.

    Tkellem ukoll il-President taċ-Ċentru Stephen Abela fejn qal li dak kollhu li sar huwa grazzi għal dawk kollh ali qabilna ħadmu u mmilitaw f'dan il-Kumitat. Huwa qal li dan il-Bar ġie msemmi Lounge 1924 bi skop li ma ninsew qatt minn fejn bdew, jiġifieri li sena 1924 rat il-ftuħ tat-tielet każin Laburista li kellu l-Partit fejn dak iż-żmien kien kompost bejn Paola/Tarxien.

    Fi tmiem iċ-ċerimonja l-Prim Ministru kixef lapida kommemorttiva u għal din l-okazzjoni attendew bosta Ministri tal-Gvern, Deputati u Kandidati tal-Kunsilli Lokali u tal-Parlament Ewropew u attivisti tal-Partit Laburista fil-Lokal.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0