“F’dawk in-nirien, il-ħaddiema niżlu jfittxu lil sħabhom”

  • Fra 10, 2019 17:16
  • Miktub minn Melvin Farrugia
"

    Nenu Ancilleri kien wieħed mill-ħaddiema li b’xorti tajba rnexxielhom jaħarbu minn ħalq il-mewt. Jispjega ma’ inewsmaltali l-imgħallem kien tah xi xogħol f’erba’ postijiet fit-tankijiet u kien qed jaħdem fit-tank numru 5. Meta niżel u bdew jaqilgħu l-pajpijiet tal-pompa, għadda l-imgħallem tiegħu għax kien sejjer l-engine room u staqsieh jekk kellux bżonn xi ħaġa. 

    Jiftakar li f’daqqa waħda kien hemm dlam ċappa u beda tiela’ balla nar. Qal li kulma kien xi erba’ metri ‘l bogħod. Kif ra hekk, Nenu kien se naqbeż fil-baċir għax bid-dlam ma beda jara xejn. Sostna li l-isplużjoni kienet waħda tal-ġenn u beda jitlob lill-Madonna. Qal li mbagħad kien hemm l-Għarab u bdew iniżżlu slielem tal-ħbula u l-injam. Niżlu minnhom wieħed wara l-ieħor u mbagħad qabżu l-aħħar erba’ piedi ‘l isfel. 

    Nenu jirrakkonta li mbagħad telgħu minn wara jiġru u wara mar lejn id-dar. Għal xit-3.00 a.m. ħaduh l-isptar. Kif għadda dan l-episodju kien għamel sitt xhur filli jibki u filli jidħak u għalhekk kellu bżonn l-għajnuna. Kif reġa’ daħal lura, kien imbagħad intbagħat l-istores biex ma jibqax jaħdem f’daqstant perikulu. Nenu jsemmi li din kienet xi ħaġa kerha ħafna li kellu jara lil sħabu mejtin. Fost l-oħrajn, semma lil Simon, li kellu 21 sena mill-Imsida u li kien iwasslu filgħodu. 

    Fl-aħħarnett, Nenu rrimarka li l-kbira f’dan kollu kienet li f’dawk in-nirien, il-ħaddiema tat-tarzna niżlu jfittxu lil sħabhom. Sostna wkoll li kieku din id-diżgrazzja ġrat bi nhar kienu jmutu ħafna aktar nies. 

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0