“Dejjem flimkien u flimkien mietu biex żgur ma jinfirdux”... ħabiba u kollega ta' Fallon Mallia

  • Apr 15, 2019 11:35
  • Miktub minn iNews
"

    Fuq il-midja soċjali persuna kitbet li ż-żewġ nisa li mietu “dejjem jiġru flimkien u ma joqgħodux mingħajr xulxin. Dejjem flimkien u flimkien mietu.”

    Dan is-sit tkellem ma’ ħabiba u kollega ta’ Fallon Mallia li ilha tafha għal diversi snin. Hija rrakkuntat li kienu jaħdmu fl-istess ward ġo San Vinċenz u ddeskrivitha bħala mara sewwa li taf tħobb ħafna u tgħożż lit-tifel tagħha, fil-fatt kien “il-mimmi t’għajnejha. Dejjem kienet taħseb fejn ħa tieħdu u x’ħa tagħmillu.” Hija kompliet tgħid li Fallon kienet dejjem tiġri m’ommha u “fil-fatt mietu flimkien biex żgur ma jinfirdux.” Il-ħabiba tagħha żiedet tgħid li “bħal din il-ġimgħa min jaf kemm kellha preparamenti għall-festa tal-irxoxt għax kienet tħobbha ħafna din il-festa. Imbagħad ma jonqosx il-festa tar-raħal ta’ Ħaż-Żabbar tal-Madonna tal-Grazzja. Ma rridx ninsa ukoll li min jaf kemm kienet ippreparata li kieku jirbħu l-league l-Liverpool.”

    Bosta ħbieb, kollegi u familjari urew xokk kbir u taw il-kondoljanzi tagħhom speċjalment minn nies ta’ Ħaż-Żabbar. Huma kienu membri ta’ waħda miż-żewġ soċjetajiet mużikali. Fil-fatt, waħda ħabiba ta’ Graziella qalet li se tibqa’ tgħożż il-memorja tagħha meta kienu jitilgħu l-każin biex jistudjaw xi biċċa mużika bħala section tal-karinetti flimkien.

    Oħrajn iddeskrivewhom bħala nisa verament ta’ qalb kbira li kienu jmorru jaraw lil oħthom id-Dar tal-Providenza u qatt ma kienu jfallu Ħadd.

    Oħrajn ħeġġu lill-awtoritajiet sabiex ikun hemm aktar miżuri ta’ sigurtà speċjalment f’dawk it-toroq li bħalissa għaddej xi xogħol fihom. “Issa tal-Balal imiss xi inċident. Nemmen li xogħol għandu jsir imma fi żmien stipulat u jkun hemm naqra sinjali ta’ għajnuna ta’ gwida jgħinu lis-sewwieq,” kitbet persuna fuq il-midja soċjali. Persuna oħra kitbet li wasal iż-żmien li jiħraxu l-pieni għal min isuq bl-addoċċ, fosthom pieni ħorox li jinkludu sentenzi ta’ priġunerija.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0