Imut wara li pprova jwettaq maġija ta’ Harry Houdini... kien jaf li jekk ma jirnexxilux kienet se tkun traġedja

  • Ġun 18, 2019 13:44
  • Miktub minn iNews
"

    Illużjonista Indjan li kien qiegħed jipprova jwettaq illużjoni famuża ta’ Harry Houdini – dik li jintrabat, jaqbeż fi xmara u jipprova jinħall, ġie ċċertifikat mejjet. Huwa ttella' mix-xmara madwar kilometru bogħod minn fejn niżel.

    F’dan l-ispettaklu Chanchal Lahiri kien mistenni li jinħall mill-irbit tiegħu u jgħum lura lejn ix-xatt, iżda sfortunatament dan qatt ma deher iktar. Il-każ seħħ fix-xmara Hooghly li tinsab fil-Lvant tal-istat ta’ Bengal.

    L-ispettaturi li nġabru biex jarawh iwettaq din l-pres­tazzjoni informaw lill-pulizija li Lahiri ma deherx iktar u li huma bdew tfittxijiet għalih. Lahiri, li huwa magħruf ukoll bħala Mandrake, kien tniżżel fix-xmara minn fuq dgħajsa. Huwa kien marbut b’katina li kellha sitt katnazzi. Jarawh kien hemm numru ta’ persuni abbord żewġ dgħajjes u numru ta’ persuni oħrajn minn fuq ix-xatt. 

    Immedjatament il-pulizija u tim ta’ għaddasa bdew iwettqu tfittxijiet iżda sfortunatament l-illużjonista baqa’ ma nstabx. Ġurnalist minn midja lokali kien intervista lil Lahiri qabel wettaq din l-illużjoni. F’din l-intervista Lahiri kien mistoqsi għaliex jirriskja ħajtu għall-maġija, u Lahrini b’daħqa fuq wiċċu qal li “jekk nagħmilha tajjeb tkun maġija... jekk nagħmel żball tkun traġedja.” L-illużjonista qal ukoll li huwa ried jagħmel dan biex jerġa’ jqajjem l-interess fil-maġija u l-illużjoni.  Din ma kinitx l-ewwel darba li Lahiri wettaq illużjonijiet bħal dawn taħt l-ilma. 

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0