“Parti impenjattiva li tiġbor fiha ħafna emozzjonijiet”

  • Lul 04, 2013 16:09
  • Miktub minn

    Nitkellmu ma’ Clare Agius, li taħdem il-parti ta’ Sharin fil-film Simshar

    1. Kif waslet l-opportunit li taħdem il-parti ta’ Sharin?

    Ġejt ikkuntattjata mill-Casting Director, Edward Said, biex immur għal audition għall-ħabta tal-bidu ta’ Diċembru. Mort nagħmel l-ewwel audition u wara ftit jiem ċempluli biex immur nagħmel it-tieni waħda. Imbagħad fit-2 ta’ Jannar nirċievi telefonata li ntgħażilt għall-parti.

    2. Tiftakar jekk kinitx ħalliet impatt fuqek din it-traġedja meta ġrat? Tiftakar x’kienu l-ħsibijiet tiegħek dak iż-żmien?

    Kont imsiefra dak is-sajf u allura tlift dak l-impatt li ħalliet fuq il-Maltin kollha dik il-ġimgħa. Kienu qaluli dwar it- traġedja kif ġejt għall-ħabta ta’ Settembru u niftakar li kienet ixxukkjatni ħafna.

    3. X’għamilt biex tipprepara ruħek għal din il-parti?

    Kelli ħafna rehearsals mad-direttriċi, fejn espolorajna l- emozzjonijiet li tgħaddi minnhom Sharin tul il-film. Waqt li dħalna ħafna fid-dettall waqt dawn ir-rehearsals, xorta waħda kelli ħafna libert biex nibni l-karattru u nieħu esperjenzi personali tiegħi.

    4. Il-fatt li minn meta ġrat id-diżgrazzja sal-lum int ukoll sirt omm taħseb li jgħinek tifhem aktar l-emozzjonijiet ta’ Sharin?

    Bla dubju! Għalkemm it-traġedja ħadet erba’ ħajjiet, naħseb li t-telfa ta’ iben għal omm hija l-akbar traġedja tal-ħajja.

    5. X’qed tirrikjedi minnek eżattament il-parti li qed tinterpreta, f’termini ta’ ħin fuq is-sett, preparazzjoni, eċċ?

    Ġeneralment inkun imsejħa għall-filming fis-sigħat bikrin ta’ filgħodu. Nibda kważi dejjem jien fid-dipartiment tax-xagħar u l-make-up, inkompli fid-dipartiment tal-kostumi, imbagħad nistenna sakemm niġi msejħa fuq is-sett fejn sadanittant id-dipartimenti l-oħra jkunu qed jarmaw, fosthom dak tad-dwal u props flimkien sintendi mad- direttriċi. Bejn li tinġibed xena u oħra jkun iċ-ċans li wieħed jipprepara ruħu sew għal li jmiss

    6. X’taħseb li għad ikunu l-ħsibijiet tiegħek meta ‘l quddiem tħares lura lejn din l-esperjenza?

    L-ewwel nett li kont fortunata biżżejjed li nifforma parti minn tim ta’ nies li kollha ħadmu b’tant passjoni fuq dan il-proġett li hu prestiġjuż għall-fatt li hu l-ewwel feature film Malti fuq din l-iskala intenzjonat għal distribuzzjoni internazzjonali. It-tieni nett li kelli parti tant impenjattiva u umana li tiġbor fiha tant emozzjonijiet li għal attriċi huwa l- massimu li tista’ tagħmel f’film. U fl-aħħar imma mhux l-anqas, li tajt il-massimu tiegħi u nemmen li meta kulħadd jaħdem b’dan il-mod, ir-riżultat ma jkun xejn inqas minn spettakolari.

    Ritratti: Paul Trapani Galea Feriol

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0