Jacob Zerafa jikseb riżultati sodisfaċenti fil-kampjonat BMX fl-Awstrija

  • Set 11, 2019 00:56
  • Miktub minn iNews
"

    Riċentament it-tfajjel Għawdxi, Jacob Zerafa, ħa sehem b'suċċess fil-Kampjonat BMX li sar, f’Alpeadria f’Muhlen, l-Awstrija. Din kienet it-tieni esperjenza internazzjonali tiegħu wara li kien ipparteċipa fil-BMX Cup li kienet saret f’Verona.

    Għalih din kienet esperjenza oħra barra minn xtutna wara li issa ilu ftit snin jipprattika dan l-isport favorit tiegħu fil-faċilitajiet li l-Malta BMX Association għandha f’Pembroke.

    Is-Sibt, Jacob ikkwalifika għall-finali ta’ Grupp A fil-11-il round biex b’hekk għadda għall-fażi finali billi daħal darba l-ewwel u darbtejn fit-tielet pozizzjoni fl-ewwel tliet rounds tal-kampjonat. Kumplessivament Jacob spiċċa fis-sitt post minn 21 parteċipant.

    Fit-tieni ġurnata tat-tlielaq tiegħu fl-Awstrija, l-għada l-Ħadd, sfortunatament huwa ma żammx il-pass tal-ġurnata preċedenti fejn fit-12-il round huwa spiċċa t-tielet fil-finali tal-kategorija ta’ Grupp B.

    Din il-parteċipazzjoni ta’ Jacob kienet possibbli bl-għajnuna li dejjem isib mill-ġenituri tiegħu fejn fil-fatt kienu huma li akkumpanjawh fl-Awstrija.

    Huma jroddu ħajr lil Federaz­zjoni Maltija taċ-Ċikliżmu, kif ukoll lill-Ministru għal Għawdex, Justyne Caruana, lill-coach Corrado Toso u lil 48erre BMX team għas-sapport kollu tagħhom.

    Bla dubju din kienet esperjenza internaz­zjonali ferm utli u li ser tkompli tgħin lil Zerafa biex itejjeb il-prestazzjonijiet tiegħu f’din l-etá żgħira li għandu.

    Fil-fatt dan huwa l-awgurju tal-As­soċjazzjoni Maltija tal-BMX biex b’dawn l-esperjenzi barra minn xtutna, il-membri tagħha jkomplu jgħollu l-livell tagħhom.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0