L-Air Malta tinvestiga: 12-il bdot minn 24 b’leave tal-mard f’ġurnata waħda

  • Set 15, 2019 11:17
  • Miktub minn iNews
"

    Nofs il-bdoti tal-kumpanija nazzjonali tal-ajru Air Malta qegħdin fuq leave tal-mard. Dan wassal biex il-kumpanija qed investiga din is-sitwazzjoni, peress li din taffeta l-operat tla-kumpanija. Kien il-Ministru Konrad Mizzi li qal dan wara li l-linja nazzjonali tal-ajru Air Malta ġabet ajruplan ġdid ieħor tat-tip Airbus A32Oneo. Il-Ministru Mizzi qal li lbieraħ kien hemm 12-il pilota b’leave tal-mard.

    Intant l-ajruplan il-ġdid tat-tip Airbus A32Oneo huwa t-tieni ajruplan ġdid għall-Air Malta dan is-sajf wara li fi ftit tal-ġimgħat ilu kien wasal ajruplan ieħor ta’ dan it-tip. Issa l-kumpanija nazzjonali Air Malta għandha tlett Airbus A320neo. Il-Ministru Mizzi ħabbar ukoll li din is-sena, l-Air Malta se terġa’ tagħmel profitt.

    Irid jingħad li l-Air Malta s-sena li għaddiet bdiet pjan ta’ investiment f’ajruplani aktar ekonomiċi u li jħammġu ferm inqas l-ambjent. Dan qed isir billi jinbidlu l-ajruplani kollha tal-Air Malta fuq perjodu ta’ ħames snin.

    Preżenti għall-wasla tal-ajruplan kien hemm il-Ministru għat-Turizmu Konrad Mizzi li esprima s-sodisfazzjon tiegħu u fakkar fil-viżjoni tal-Air Malta li tibda lejn destinazzjonijiet barra mill-Ewropa. Fil-fatt ħabbar li tul is-sena li ġejja minbarra l-wasla ta’ aktar ajruplani A320neo, l-Air Malta qed timmira li jkollha l-ewwel Airbus A321XLR li kapaċi jtir lejn destinazzjonijiet iktar imbiegħda minn pajjiżna.

    II-Ministru Konrad Mizzi imma irrimarka li jista’ jseħħ biss billi jkun hemm il-ftehmiet kollettivi kollha mal-unjins.

    Hawnhekk appella lill-unjin tal-bdoti biex tiġi madwar il-mejda u tilħaq ftehim. Spjega li t-talba tal-ALPA għal garanziji ta’ rtirar kmieni ta’ €700,000 għal kull pilot ma tistax tiġi aċċettata minħabba regoli tal-għajnuna statali.

    Spjega li jekk l-ALPA ma tilħaqx ftehim, il-gvern se jesplora possibilitajiet li titjiriet ‘il barra mill-Ewropa jkunu operati minn kumpaniji oħra.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0