Josianne Cutajar tiddefendi d-drittijiet tal-bniedem fil-Parlament Ewropew

  • Set 20, 2019 12:31
  • Miktub minn iNews
"

    Fl-ewwel diskors tagħha fis-seduta plenarja tal-Parlament Ewropew, il-Membru Parlamentari Ewropew Josianne Cutajar tkellmet favur id-dinjità tal-mara u d-drittijiet tal-attivisti li jipproteġuhom, anke lil hinn mill-fruntieri Ewropej.

    Dr Cutajar stqarret dan fid-dibattitu dwar riżoluzzjoni tal-Parlament Ewropew fil-konfront tal-Iran u t-trattament ta’ numru ta’ persuni fi ħdanu, l-aktar nisa, li qed jiġu penalizzati minħabba x-xogħol tagħhom favur id-drittijiet tan-nisa.

    Il-Membru Parlamentari Ewropew Maltija saħqet li filwaqt li l-Ewropa hija tolleranti għal użanzi soċjo-kulturali u fehmiet reliġjużi differenti, ma tista’ qatt tifhem jew taċċetta li dawn jintużaw biex itellfu mit-tgawdija tad-drittijiet tan-nisa. Fuq kollox fissret kif mhux aċċettabbli li l-liġijiet jintużaw biex itellfu lil attivisti u professjonisti li jitħabtu għal soċjetà ħielsa.

    B’referenza għal Malta u kif pajjiżna ttraspona Konvenzjonijiet internazzjonali kontra l-vjolenza fuq in-nisa, Josianne Cutajar sostniet li dan jagħtiha aktar determinazzjoni biex issejjaħ għal riformi legali importanti f’pajjiż bħall-Iran, biex jikkriminaliza l-vjolenza abbażi tal-ġeneru u d-diskriminazzjoni fuq in-nisa.

    La nemmnu fis-Saltna tad-Dritt, saħqet Dr Cutajar, dawk id-drittijiet fundamentali nipproteġuhom kullimkien.

    Il-Parlament Ewropew għadda din ir-riżoluzzjoni fid-dawl ta’ għadd ta’ rapporti ta’ trattament xejn dinjituż ta’ nisa li organizzaw dimostrazzjonijet paċifiċi favur id-drittijiet tan-nisa flimkien ma’ professjonisti li fittxew li jiddefendu d-drittijiet tal-attivisti.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0