Konferenza ta’ Djalogu Attiv dwar il-Wirt Kulturali għall-Futur tal-Ewropa tittella’ f’Ħal Safi

  • Ott 22, 2019 15:40
  • Miktub minn iNews
"

    Il-Ministru għall-Ġustizzja, Kultura u Gvern Lokali Owen Bonici fetaħ il-konferenza ta’ Djalogu Attiv dwar il-Wirt Kulturali għall-Futur tal-Ewropa, li ġiet organizzata u mtella’ fil-Kunsill Lokali ta’ Ħal Safi. Din il-konferenza hija l-ħames waħda dwar dan il-proġett u tifforma parti mill-Programm Europe for Citizens. 

    Waqt il-konferenza, il-Ministru Owen Bonnici aċċenna għax-xogħol ta’ dan il-Gvern biex ikompli jsaħħaħ il-wirt kulturali. Hu ssottolinea numru ta’ inizjattivi dwar is-suġġett, u qal li “permezz ta’ xogħlna, aħna rridu noħolqu u nmantnu inizjattivi ta’ kwalità għolja biex inkomplu nikkontribwixxu għas-settur kulturali ta’ pajjiżna b’mod li jkunu disponibbli għas-soċjetà tagħna. Aħna qegħdin naħdmu wkoll biex insaħħu aktar il-prodott kulturali lokali, hekk kif maż-żmien qegħdin insiru destinazzjoni kulturali li tiġbed l-għajn ta’ ħafna viżitaturi.”

    Il-Ministru rrefera għall-proġetti ta’ restawr numerużi u semma l-iskema ta’ xogħlijiet ta’ restawr tal-kunsill lokali li issa qiegħda fil-ħames sena tagħha u “rat ir-restawr ta’ bosta kappelli, niċeċ u monumenti sinifikanti. Permezz ta’ strateġiji pjanati sew, aħna għamilna numru kbir ta’ proġetti ta’ restawr f’ħafna lokalitajiet, fejn irrestawrajna dawn il-monumenti uniċi għall-glorja li ħaqqhom.” 

    Il-Ministru Bonnici semma wkoll l-iskema tal-passaporti ta’ Heritage Malta kemm tal-istudenti kif ukoll tal-kbar u qal li “permezz ta’ din l-inizjattiva ta’ suċċess, in-nies qegħdin japprezzaw u jkunu aktar konxji ta’ wirtna, filwaqt li nkomplu ninkoraġixxu liż-żgħar tagħna biex iżuru u jitgħallmu dwar il-wirt u l-istorja tagħna.”

    Il-konferenzi ta’ qabel ġew organizzati fi Sqallija, Spanja, il-Ġermanja u l-Ungerija bil-parteċipazzjoni attiva ta’ 15-il muniċipalità u organizzazzjoni Ewropea biex jiżdied aktar l-għarfien dwar il-wirt kulturali.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0