Każ xokkanti fl-Istati Uniti: Issawwat vjolentement u toqtol lil binha għax ħammeġ il-ħarqa

  • Ott 29, 2019 17:59
  • Miktub minn iNews
"

    Omm ta’ tnejn, minn Georgia fl-Istati Uniti, qed tkun akkużata bil-qtil ta’ binha li kien għad kellu biss 20 xahar. Dan wara li lill-investigaturi qaltilhom li sawtet vjolentement lit-tarbija minħabba li kienet irrabjata li ħammeġ il-ħarqa.

    Trinity Pittman, ġiet arrestata nhar is-Sibt li għadda fuq akkużi ta’ omiċidju u moħqrija ta’ tfal.

    Il-mara ta’ 23 sena nhar il-Ġimgħa li għadda ħadet lil binha Conner Perry l-emerġenza ta’ sptar fi Newnan, fejn qalet li kien waqa’ minn fuq trampoline.

    Madankollu l-istaff mediku tal-isptar ġiehom suspett fil-mara wara li l-ġrieħi li kien ġarrab it-tifel ma kinux konsistenti ma’ dak li qaltilhom il-mara.

    It-tobba sabu li t-tifel kellu l-pulmun mimli bi fluwidu u l-istonku anke kellu kwantità ta’ demm fih.

    Aktar tard it-tifel ġie trasferit fi sptar speċjalizzat, madankollu l-kura li rċieva kienet kollha għal xejn u miet aktar tard matul il-lejl.

    Intant il-mandati ta’ arrest jgħidu li Pittman ammettiet li kienet sawtet lit-tifel b’mod vjolenti għal diversi drabi. Jidher li f’mument minnhom Connor waqa’ u ħabat rasu mal-art, u raqad.

    Sigħat wara dan l-inċident, Pittman marret ix-xogħol u ħalliet lil Conner u lil ħuh ta’ erba’ snin għand is-sieħeb tagħha, Jeremy Davis ta’ 24 sena.

    Pittman allegatament gidbet ukoll lil Davis dwar il-waqgħa.

    Aktar tard Davis ċempel lil Pittman u qalilha li t-tifel kien qam, beda jivvomita, u anke kien qed ibati biex jieħu nifs.

    L-awtopsja li saret fuq it-tifel uriet ukoll li kien sofra ġrieħi vjolenti fi żmien preċedenti.

    Il-każ mistenni li jkompli fil-jiem li ġejjin.

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

    0