Identifikat ir-raġel li nqatel minn kelb il-baħar ... Tlieta oħra se jsirulhom tejtijiet fl-istonku

• Nov 08, 2019 18:50
• Miktub minn iNews

Beda jiċċirkola l-ewwel ritratt tal-vittma li qiegħed ikun maħsub li nqatel minn kelb il-baħar waqt li kien qiegħed jgħum f’Hermitage Lagoon. Il-vittma ġie identifikat bħala Richard Martyn Turner.

Skont rapporti li saru jidher li l-ilmijiet li kien fihom, kienu meqjusin siguri għall-għawm anke minħabba il-fond tal-ilma u t-temperaturi. Minkejja dan aktar tard wara s-sejba tal-id f’wieħed mill-klieb il-baħar, ittellgħu tlieta oħra.

Il-koppja kienu qegħdin jiċċelebraw għeluq snin il-mara tal-vittma u kienu qegħdin igawdu din il-btala fil-lukanda Lux Hotel f’St Gilles.

Kelliem għall-Pulizija ikkonferma li l-klieb il-baħar inqabdu minħabba li keinu qegħdin jgħumu “ferm lil hinn mill-abitat naturali tagħhom”. Huwa mifhum li dawn se jkunu qegħdin jiġu eżaminati wkoll.

Filwaqt li l-mara kkonfermat li l-vittma kien żewġha miċ-ċurkett tat-tieġ, it-testijiet tad-DNA se jkunu qegħdin jikkonfermaw dan fis-sigħat li ġejjin.

Aqra wkoll: http://inewsmalta.com/article.php?ID1=87251

Simili

• 

  Persuni arrestati wara li allegatament kienu qed jippjanaw għal attakki fil-Ġermanja

• 

  Issostni li se tkompli tidħol fl-irziezet u “ssalva” l-annimali minkejja li tista' tispiċċa l-ħabs