Peter il-kelb jirnexxielu jwaqqaf passiġġier li kien se jħalli pajjiżna b'€210,000 mhux dikjarati

• Nov 13, 2019 08:54
• Miktub minn iNews

Id-Dwana lbieraħ irnexxielha tagħmel sejba ta’ €233,000 ta’ flus mhux dikjarati waqt spezzjonijiet fl-ajruport.

Fl-ewwel każ wieħed mill-passiġġieri twaqqaf għal aktar spezzjonijiet waqt screening tat-titjiriet ta’ Schengen mill-parti tat-tluq tal-ajruport. Il-passiġġier kellu fuqu €5,000 u fil-bagalja tiegħu nstabu mal-€10,000 oħra. Huwa ngħata lura €10,000 u l-oħrajn ġew issekwestrati.

F’każ separat, waqt screening tal-passiġġieri li kienu se jħallu pajjiżna lejn l-Istanbul, il-kelb Peter irreaġixxa għal passiġġier partikolari li wara tfittxijiet li sarulu rriżulta li kien se jħalli l-pajjiż b’€210,000. Huwa kien arrestat u l-pulizija tinsab għaddejja bl-investigazzjonijiet tagħha.

Skont il-liġi Ewropea passiġġieri li jkunu se jivjaġġaw bi flus kontanti jew Cheques li jammontaw għal €10,000 huma obbligati jiddikjaraw dan l-ammont.

Simili

• 

  Il-priġunieri fid-diviżjonijiet skont is-sigurta mhux ir-reati

• 

  Ambjentalisti jwissu dwar xquq f'kappella

• 

  Mhux wieħed mill-uffiċjali arrestati ... Jagħmilha ċara li qatt ma kien involut fl-allegat abbuż mis-sahra