AĠĠORNAT: Dak li qed jissejjaħ bħala l-'middleman' fil-qtil ta' DCG se jibqa' jinżamm l-Isptar

• Nov 22, 2019 09:37
• Miktub minn iNews

AĠĠORNAT: Mill-informazzjoni li għandna jidher li r-raġel se jibqa' jinżamm l-Isptar Mater Dei għall-osservazzjoni. 

Jidher li minħabba f'hekk qegħdin jittieħdu miżuri stretti ta' sigurtà.

 

AKTAR KMIENI: Ir-raġel li qiegħed jingħad li kien il-'middleman' fil-każ ta' qtil tal-ġurnalista Daphne Caruana Galizia kellu jiddaħħal l-Isptar Mater Dei hekk kif ħassu ma jiflaħx. 

inewsmalta tista' tikkonferma li r-raġel kellu jittieħed l-Emerġenza għall-osservazzjoni. Jidher l-inħawi huma magħluqin, ħadd mhu jitħalla jersaq qrib u hemm sigurtà stretta. 

Dan ir-raġel suspettat b’reati ta’ ħasil ta’ flus qed jitlob maħfra presidenzjali biex jiżvela min kien il-moħħ wara l-qtil ta’ Daphne Caruana Galizia. Hu ġie arrestat nhar il-Ħamis, 7 ta' Novembru li għadda wara li l-Pulizija kienet ilha bosta jiem tosserva l-movimenti tiegħu. 

Intant, jidher li bħalissa s-sitwazzjoni quddiem l-Emerġenza hi waħda kalma, minkejja li ġewwa hemm sigurtà stretta u sorveljanza kontinwa mar-raġel. 

Simili

• 

  ''Il-każijiet ta' qtil politiku seħħew meta l-Partit Laburista ħass li ħadd ma jista' jirbaħlu'' - Adrian Delia

• 

  Raġel ta' 42 sena jweġġa' gravi fin-Naxxar

• 

  F'Pinto Wharf il-pubbliku se jkun jista' jgawdi tlett vapuri navali tan-NATO