“Joseph Muscat huwa xkiel għall-investigazzjonijiet” - Adrian Delia

• Diċ 01, 2019 15:06
• Miktub minn iNews

Il-Kap tal-Oppożizzjoni u Kap tal-Partit Nazzjonalista Adrian Delia għal darb’oħra reġa’ sostna li l-Prim Ministru Joseph Muscat għandu jitlaq. Għal Delia, Muscat huwa xkiel għall-investigazzjonijiet u ċertezza li ma ssirx ġustizzja. 

Il-Kap tal-PN qal, “B’Joseph Muscat u bi sħabu, il-poplu ma jistax iserraħ rasu li se ssir ġustizzja. F’dan il-mument Joseph Muscat kellu jitlaq immedjatament. Minflok telaq, kif qed jgħidlu kulħadd, ħassu komdu jerġa’ jappunta mill-ġdid lill-Ministru Cardona.”

Delia qal li minkejja s-sejħiet persistenti, Joseph Muscat, “minflokk poġġa l-interess nazzjonali l-ewwel, poġġa l-interessa ta’ dawk li huma l-aktar qrib tiegħu. Joseph Muscat għandu pożizzjoni li mhix tenibbli. Pajjiżna huwa ostaġġ ta’ persuni li bin-nuqqas ta’ għemilhom jew b’għemilhom ħolqu kriżi kostituzzjonali.”

Fl-isfond li inqas minn siegħa oħra terġa’ ssir protesta fil-Belt Va’lletta, Delia qal li, “dan huwa l-mument tal-prova. Din hija l-għajta tal-poplu tagħna. Irridu nkunu flimkien għal pajjiżna.”

Simili

• 

  ''Il-każijiet ta' qtil politiku seħħew meta l-Partit Laburista ħass li ħadd ma jista' jirbaħlu'' - Adrian Delia

• 

  Raġel ta' 42 sena jweġġa' gravi fin-Naxxar

• 

  F'Pinto Wharf il-pubbliku se jkun jista' jgawdi tlett vapuri navali tan-NATO