Restawrati 14-il pittura fil-Bażilika tal-Mosta... Xi wħud mill-pitturi jmorru lura għas-seklu 17

  • Diċ 09, 2019 18:15
  • Miktub minn iNews

    Ġie inawgurat ix-xogħol ta’ restawr fuq 14-il pittura fil-Bażilika Minuri ta’ Marija Mtellgħa s-Sema, il-Mosta, b’investiment ta’ €82,000 b’kofinanzjament minn fondi tal-Unjoni Ewropea. Fost il-pitturi restawrati hemm erbgħa li jmorru lura għas-seklu 17 kif ukoll seba’ pitturi ta’ Giuseppe Calì u erbgħa ta’ Stefano Erardi. 

    Il-proġett ġie inawgurat il-Ħadd 8 ta’ Diċembru mill-Isqof Awżiljarju Joseph Galea-Curmi, mill-Ministru għall-Fondi Ewropej u d-Djalogu Soċjali Edward Zammit Lewis u mis-Segretarju Parlamentari Aaron Farrugia. 

    Fl-inawgurazzjoni ta’ proġett ieħor ta’ restawr mill-Arċidjoċesi ta’ Malta, l-Isqof Joseph Galea-Curmi tkellem dwar l-importanza mhux biss tal-ħarsien tal-patrimonju li għandna f’pajjiżna imma wkoll tal-ħtieġa urġenti li nirrestawraw il-valuri li jsawruna. “Dawn il-pitturi huma espressjoni sabiħa tal-valuri Nsara u umani. Juruna kemm hu importanti li llum naħdmu mhux biss għar-restawr ta’ dak li hu patrimonju artistiku, imma wkoll għar-restawr ta’ valuri fis-soċjetà Maltija. Mingħajr dawn il-valuri jirbaħ il-ħażin u dak kollu li hu ta’ ħsara. Għalhekk ir-restawr tal-pitturi jorbot intrinsikament mar-restawr tal-valuri,” qal l-Isqof Awżiljarju. 

    Is-Segretarju Amministrattiv tal-Arċidjoċesi ta’ Malta, Michael Pace Ross, irringrazzja lir-restawraturi ReCoop tax-xogħol li għamlu u spjega li ħafna mill-pitturi kellhom bżonn intervent estensiv ta’ restawr għax kienu fi stat ħażin ħafna. 

    Dan huwa t-tielet proġett mill-Fondazzjoni għall-Patrimonju Kulturali tal-Arċidjoċesi ta’ Malta li sar b’kofinanzjament ta’ 80% mill-Fond Ewropew għall-Iżvilupp Reġjonali, wara l-inawgurazzjoni tal-Kappella tal-Bidnija u l-pittura tal-apside fil-Katidral ta’ San Pawl, l-Imdina. Aktar proġetti ta’ konservazzjoni u restawr f’għadd ta’ parroċċi oħra ser jiġu inawgurati s-sena d-dieħla.

     

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0