Investiment ta’ €1.5 miljun għal pneumatic tube fl-Isptar Mater Dei

  • Diċ 15, 2019 14:25
  • Miktub minn iNews

    Bħalissa fl-Isptar Mater Dei għadhom għaddejjin il-preparamenti u x-xogħlijiet neċessarji għar-robots għat-tqassim tal-mediċina fl-iswali tal-isptar. 

    Parti minn dan il-proġett kien jinkludi tisħiħ fis-sistema ta’ pneumatic tubes fl-Isptar Mater Dei. Permezz tas-sistema tal-pneumatic tubes, il-mediċina tista’ tiġi ordnata minn tabib f’sala u titwassal fl-istess sala f’temp ta’ ftit sekondi.

    Bit-tisħiħ tas-sistema, f’numru ta’ swali qed jitwaħħlu cabinets touch screen li se jilqgħu fihom il-mediċina li tintbagħat mis-sala dirett permezz tal-pneumatic tube.

    Is-sistema robotika għat-tqassim tal-mediċina fl-Isptar Mater Dei hi sistema innovattiva li qed tbiddel il-mod kif il-mediċina titqassam fl-isptar. B’din is-sistema mhux biss se jonqsu żbalji umani li jistgħu jsiru, iżda pazjent se jibda jingħata l-mediċina li għandu bżonn immedjatament. 

    Fuq dan il-proġett diġà hemm diversi robots fl-iswali tal-Isptar Mater Dei. Qed jiġi installat ukoll robot fl-ispiżerija tal-Isptar Mater Dei u robot ieħor fis-CPSU, id-dipartiment li jqassam il-mediċini u t-tagħmir mediku lill-entitajiet kollha tas-saħħa.

    “L-innovazzjoni hi ċ-ċavetta għall-futur. Fl-Isptar Mater Dei bħalissa minbarra l-innovazzjoni fil-qasam tat-tqassim tal-mediċina, għaddejjin ukoll bl-aħħar tħejjijiet biex mis-sena d-dieħla numru ta’ operazzjonijiet se jkunu qed isiru bl-assistenza tal-ewwel robot kirurġiku f’pajjiżna,” qal id-Deputat Prim Ministru u l-Ministru għas-Saħħa Chris Fearne.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0