Te u ħobża

  • Fra 05, 2017 16:26
  • Miktub minn Charles Miceli

    Daż-żmien rari nidħol il-Belt. Għalkemm meta nersaq lil hemm, ġeneralment fuq xi qadja, nieħu gost. Għax dejjem niltaqa’ ma’ xi ħadd.

    Xi jiem ilu kelli appuntament Mater Dei u xħin lestejt qbadt tal-linja għall-Belt. Inżilt u bdejt dieħel Triq ir-Repubblika.

    Kont għadni bilkemm wasalt fejn il-Ministeru tal-Familja li ma ġejtx wiċċ imb’wiċċ ma’ Martin. Xejn ta’ barra minn hawn. Għax kull darba li nidħol il-Belt għandi garanzija li niltaqa’ miegħu.

    Feraħ bija u beda jgħidli kif il-ġimgħa d-dieħla jasallu ċ-ċekk. “Naħseb fik. Did-darba nagħtik €20 żgur,” qalli. Irringrazzjajtu u weġibtu li ma rridx flus. 

    “Mela nixtrilek flokk,” ħatafni. “Tixtrili xejn,” għidtlu filwaqt li spjegajtlu biex il-flus joqgħod attent kif jonfoqhom.

    “Imma Charl,” iddefenda ruħu, “biċ-ċekk lanqas nibda. Inħallas il-kera u jkun diġà tar”. 

    Te u ħobża

    U bdejt nagħmillu priedka. “Ara. Tidħol il-Belt kuljum. Tmur tieħu te u ħobża. Mhux dejjem tonfoq €6?”

    “Eqq, mela,” irrispondini.

    “Taf matematika?”

    “Eqq, mela,” reġa’ rrisponda.

    “€6 ewro kuljum kemm jiġu f’ġimgħa?” staqsejtu. U xħin rajtu jħares ċass lejja, biex ngħinu għidtlu, “six times seven”.

    Wara pawsa naqra twila weġibni, “thirteen”.

    Għal mument ħassejtni nagħżaq fl-ilma. “Ara,” spjegajtlu, “€6 kuljum għal ġimgħa sħiħa jiġu €42. Issa kull erba’ ġimgħat dawk jiġu €168. Qed tifhem?”

    “Ehe, fhimt. Imma m’għandekx xi ħaġa biex immur nieħu te u ħobża?”

    Dun Ġwann

    Dak il-ħin ftakart kif wieġeb Dun Ġwann lil dik il-mara li staqsietu, “jekk tkun qed tgħin lil xi hadd, u dan wara li tkun ilek tgħinnu ħafna, xorta ma jkunx irid jitgħallem, tibqa’ tgħinnu?”

    U bil-ħlewwa kollha Dun Ġwann wieġeb, “jekk it-tifla tiegħek ma tkunx trid titgħallem, tibqa’ titmagħha?”

    U l-biċċa tkompli tikkomplika ruħha meta ma tkunx daqshekk ċert li l-persuna tkun, aktar milli ma tridx titgħallem, ma tistax.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook