Itma’ lil min hu bil-ġuħ

  • Ott 05, 2017 12:40
  • Miktub minn Charles Miceli

    Minkejja li aktar inqis ruħi agnostiku milli xi ħaġa oħra, għandi lista ta’ qassisin, patrijiet u sorijiet li bilfors ikolli ninżgħalhom il-kappell. Reliġjużi li fis-skiet u bla daqq tat-trombi jgħixu l-vanġelu.

    Aktar milli moħħhom biss fil-murtali u l-istatwi, id-damask u r-relikwiji, jaraw kif se jagħmlu biex jgħinu lill-inqas flok ħuthom. Il-batuti u l-vulnerabbli.

    U dan la jagħmluh għall-flus u lanqas għall-voti, il-glorja u l-fama. Jagħmluh għax jemmnu lil min qalilhom biex jitimgħu lil min hu bil-ġuħ, iżuru l-morda, iżuru l-kalzrati u jilqgħu lill-barrani.

    Patri Marcellino

    Mal-lista li kelli dan l-aħħar żidt lil Patri Marcellino, Franġiskan Minuri. Patri Marcellino jieħu ħsieb il-Knisja ta’ Ġieżu, il-Belt, u fl-aħħar xhur ġabar tim tajjeb madwaru biex jibdew jaħdmu ħalli jiftħu soup kitchen.

    Ix-xogħol, minkejja ħafna qtigħ il-qalb u numru ta’ ntoppi, miexi ġmielu. Għax kif jgħidu l-Ingliżi, where there is a will, there is a way.

    U fil-ġimgħat li ġejjin f’parti mill-kunvent li hemm mal-knisja, dak li qabel kien ir-refertorju, se jibdew jitimgħu lin-nies vulnerabbli. Għall-ewwel tliet darbiet fil-ġimgha, u aktar ’il quddiem, anke ħamest ijiem fil-ġimgħa.

    Ta’ min jgħid li t-tim ta’ madwar Patri Marcellino qed jagħmilha ċara li l-ikel se jkun nutrittiv u servut b’ħafna mħabba.

    Mhux biss

    Imma l-idea ta’ Patri Marcellino u sħabu, biex insejħilhom hekk, tmur lil hinn minn platt ikel. U hemm il-pjan li lill-“klijenti” tagħhom joffrulhom ukoll korsijiet fil-kompjuters.

    Qed jitħhejja x-xogħol ukoll biex ikun hemm post fejn dawk li jmorru għall-ikel ikunu jistgħu jqattgħu ftit ħin fil-kwiet, jaqraw u jisimgħu l-mużika. 

    Nittama li jkun hemm knejjes oħra li jimitaw din l-inizjattiva nobbli. Prosit lil Patri Marcellino u lil dawk kollha li qed imiddu idejhom biex din il-ħolma ssir realtà.

     

    Simili

  • Agħżel storja li tixtieq tikkummenta dwarha u agħfas fuq il-ħolqa "ikkummenta" li tinsab taħt l-artiklu.

    Wara dan tinfetaħlek tieqa fejn tintalab tirreġistra. Agħfas fuq "irreġistra" u imla d-dettalji kif mitlub. Importanti li kull dettall imdaħħal ikun korrett. Minkejja li tintalab timla indirizz tal-imejl li huwa eżistenti u mhux fittizju, inti xorta tista' tikkummenta b'mod anonimu.

    Wara li tibgħat id-dettalji tiegħek, se tirċievi imejl fuq l-indirizz li rreġistrajt bih. F'din l-imejl se tirċievi security code.

    Ikkupjah u daħħlu fit-tieqa tar-reġistrazzjoni. Din hija proĊedura li ssir darba.

    Minn hemm 'il quddiem tkun tista' tikkummenta fuq kull artiklu bin-nom-de-plume tal-għaໝla tiegħek. Jekk issib xi diffikultà tiddejjaq xejn tikkuntattjana fuq 2590 0288.

Kummenti: 0

  •  

Facebook