Mara ssofri ġrieħi gravi wara li tittajjar fl-Imqabba

Mara ta’ 37 sena residenti l-Imqabba qed issofri minn ġrieħi gravi wara li kienet involuta f’inċident stradali fl-Imqabba.

Kienu għall-ħabta tal-11.00 a.m., xħin il-Pulizija ġiet infurmata li hemm bżonn l-assistenza fi Triq il-Madonna tal-Ġilju, wara li persuna kienet intlaqtet minn vettura.

Il-Pulizija tad-Distrett marret minnufih fuq il-post, fejn minn investigazzjonijiet preliminari li saru rriżulta li l-mara sfat milquta minn vettura ta’ tip Honda Fit misjuqa minn mara ta’ 52 sena residenti San Ġwann.

Fuq il-post issejjaħ tim mediku li ta l-ewwel għajnuna u ambulanza ħadet lil vittma l-Isptar Mater Dei għall-kura meħtieġa. Iktar tard, il-mara ġiet iċċertifikata li qed issofri minn ġrieħi gravi.

L-investigazzjonijiet tal-Pulizija dwar dan l-inċident qed jitmexxew mill-Pulizija tad-Distrett.

Share With: