Borussia Dortmund b’kunċett ġdid virtwali

Borussia Dortmund ħassru t-tour li kellhom ippjanata għall-kontinent Asjatiku minħabba l-pandemija tal-Covid-19 li tidher li għadha turi snienha f’diversi pajjiżi oħra barra l-Ewropa. Kien id-direttur tal-marketing tal-club, Carsten Cramer, li kkonferma wkoll din l-aħbar.

Minkejja kollox, l-istess Kramer ħareġ bi proposta interessanti  li se togħġob lit-30 club ta’ partitarji li kienu qed jistennew bil-ħerqa l-wasla tagħhom. 

Dawn l-istess partitarji Asjatiċi se jkollhom iċ-ċans li jiltaqgħu virtwalment mal-players billi jkellmuhom u jiddiskutu l-istaġun li se jintemm nhar is-Sibt li ġej. 

Fl-istess waqt se jkun hemm iċ-ċans li dawn il-partitarji jaraw b’mod dirett dak li jkun qed jiġri waqt is-sessjonijiet ta’ taħriġ immexxija mill-coach Lucien Favre. 

Share With: