Napoli jirbħu l-Coppa Italia

Napoli rebħu l-Coppa Italia għas-sitt darba meta għelbu lil Juventus 4-2 bl-għoti tal-penalties wara li finali spiċċat fi draw ta’ 0-0.

Kienu Juventus li ħarġu aktar aggressivi iżda mal-ħin Napoli bdew jissetiljaw u saħansitra bdew jheddu fuq il-lasti avversarji.

Iżda l-ewwel xutt denju wasal minn Juventus, fl-20 minuta meta Rodrigo Bentancur venven xutt minn tarf il-kaxxa biex ġiegħel lil Alex Meret isalva bi tbatija.

Ir-reazzjoni ta’ Napoli kie­net waħda mmedjata hekk kif Lorenzo Insigne laqat il-lasta.

Fl-40 minuta, l-istess play­er għeleb lill-goalkeeper Buffon iżda Alex Sandro biegħed il-periklu bir-ras.  

Fis-67 minuta, Buffon salva ma’ sieq il-lasta fuq xutt ta’ Matteo Politano minn  bar­ra l-kaxxa.

Erba’ minuti wara, Arkadiusz Milik għamel l-impossibbli meta minn taħt il-lasti xeħet ferm għoli.

Fil-81 minuta, Buffon salva goal ċert meta salva fuq daqqa ta’ ras ta’ Politano.

Fil-ħin miżjud Eljif Elmas laqat il-wieqfa għal Napoli minn metru bogħod …biex il-logħba kellha tmur għall-għoti tal-penalties.

Għal Napoli skorjaw Lorenzo Insigne, Matteo Politano, Nikola Maksimovic u Arkadiusz Milik.

Għal Juventus skorjaw Leonardo Bonucci u Aaron Ramsey iżda fallew Paulo Dybala u Danilo.

Share With: