AĠĠORNAT: Anzjana bi ġrieħi serji wara inċident gravi f’Burmarrad… Emergency Ambulance responder jieqaf jagħti l-ewwel għajnuna

Aġġornat: Il-mara li kienet involuta fl-inċident ta’ dalgħodu kienet anzjana ta’ 65 sena minn Għajnsielem, Għawdex. Il-mara kienet qiegħda ssuq Toyota Passo u għal xi raġuni tilfet il-kontroll tagħha.

L-anzjana ġiet iċċertifikata li qiegħda ssofri minn ġrieħi serji. Dwar il-każ infetħet inkjesta mill-Maġistrat Gabriella Vella, filwaqt li l-Pulizija għadha għaddejja bl-investigazzjonijiet.

Aktar kmieni: Dalgħodu għall-ħabta tas-7.05 a.m. seħħ inċident gravi fi Triq Burmarrad fejn mara li kienet qiegħda ssuq vettura għal xi raġuni baqgħet dieħla f’siġra. 

Jidher li minħabba l-impatt qawwi tal-ħabta, il-mara spiċċat maqbuda fil-karozza u għalhekk kellhom jissejħu l-membri mit-Taqsima tal-Protezzjoni Ċivili biex iqattgħu l-karozza u joħorġu lill-mara. 

inewsmalta jinsab informat li kien emergency ambulance responder li kien għadu kemm spiċċa mix-xift ta’ bil-lejl li ra lil din il-mara u waqaf jagħtiha l-ewwel għajnuna. 

Minn hemm imbagħad marret fuq il-post ambulanza b’żewġ Emergency Ambulance responders, żewġ infermiera u anke żewġ tobba. Dawn assistew lit-Taqsima tal-Protezzjoni Ċivili biex il-mara tinħareġ mill-vettura. 

Il-mara qiegħda ssofri minn ġrieħi serji.

Share With: