Raġel bi ġrieħi gravi wara li waqa’ sular f’sit ta’ kostruzzjoni

Raġel ta’ 51 sena, residenti Birkirkara qed isofri minn ġrieħi gravi wara li weġġa’ wara li waqa’ minn għoli. 

Kienu għall-ħabta tas-2:30 p.m, x’ħin il-Pulizija ġiet infurmata permezz ta’ telefonata li kien hemm bżonn l-assistenza tagħha f’sit ta’ kostruzzjoni fi Triq it-Tabib J. Zammit, Ħal Balzan minħabba li kien waqa’ persuna. 

Il-Pulizija tad-Distrett ta’ Birkirkara marru mill-ewwel fuq il-post u minn investigazzjonijiet preliminari li saru rriżulta li r-raġel kien waqa’ madwar sular għoli waqt li kien qed isiru xi xogħlijiet. 

Fuq il-post issejjaħ tim mediku li ta l-ewwel għajnuna u ambulanza ħadet lir-raġel l-isptar għall-kura meħtieġa. Iktar tard ġie ċċertifikat li qed isofri minn ġrieħi gravi. 

L-investigazzjonijiet mill-Pulizija tad-Distrett għadhom għaddejjin.

Share With: