Is-suspettat raġel li seraq il-barbaġanni mistenni jitressaq il-Qorti fil-ħin li ġej

Illum, għall-ħabta tas-1:30 p.m, il-Pulizija ser tressaq persuna l-Qorti, quddiem il-Maġistrat tal-Għassa Dr Caroline Farrugia Frendo akkużat bis-serq ta’ żewġ barbaġanni minn ġewwa l-Buskett.

Il-Pulizija fi stqarrija maħruġa nnutat li fi żmien jumejn, wara diversi investigazzjonijiet irnexxielha tasal għal raġel ta’ 32 sena residenti Ħaż-Żabbar.